PÊKIN LUKHÂWNG A NEI

TIRHKOHTE 20:35b
Thawk rim chung leh, Lalpa Isua thu hre reng chung chuan mi chak lote in ṭanpui tûr a ni; amah ngeiin, ‘Englo lâk aiin pêkin lukhâwng a nei zâwk,’ a tih kha,” a ti a.

Engtin nge mi dang hnên aṭangin ka dawn ang tih ngaihtuah hi kutdawh rilru, mi puitling lo zia a ni tih i hre thar leh ang u. (Mt. 5:42)

Thilpêk hi neih vânga pêk a ni lo. Pêk duhna rilru aṭanga lo chhuak a ni zâwk. Liandova chuan a nau pêk a duh a, chhuat âwngah bâl a thlâk ṭhin. Mahni neih mi dang pêk ve duhna thinlung chuan Liandova te unau bawk chu an neih chhun ba hlui kîlpui tûrin lal ropui Lersia an thleng a ni. Nu feh haw pawhin rit tak phur chungin a fa lawm zawng pêk duhin kawng sîra ramhnuai pangpâr a ban hrâm ṭhin. Dawngtu nih aiin petu nih a ropui zâwk. Lâk aiin pêkin lukhâwng a nei tih hi Isua thu sawi Chanchin Ṭha bu danga chhinchhiah loh a ni.

Pe rawh u, tichuan, pêkin in awm ang.
Pêkah Pathian i hnehbân thei lo vang;
Pathianin mihring lei a ba ngai lo,
Malsâwmna hnâr a lo ni si.

Petu nih i tum ṭheuh ang u.