THIH PAWH HUAMIN

TIRHKOHTE 21:12b-13
Paula chu Jerusalem khuaa han kal lo tûrin kan ngên chiam a. Paula chuan a chhâng a, “Eng in ti nge ni in ṭah in ṭaha, ka lung in tihchhiat? Lalpa Isua hming avâng chuan Jerusalem khuaa phuar chang ka huam lo va, thih pawh ka huam asin,” a ti a.

Kaisari khuaa Phillipa, upa pasarihte zînga mi inah a thlen laiin zâwlnei Agaba a lo kal a. Ani chuan Paula chu Jerusalem khuaa Juda-ten an phuar a, Jentail-te kuta an pêk tûr thu Thlarau Thianghlimin a hrilh chu a sawi a. Chu thu chu an hriatin Paula chu Jerusalem khuaa kal lo tûrin an ngên a. Paula chuan, Lalpa Isua hming avânga Jerusalem khuaa phuar mai ni lo, thih pawh a huam thu a sawi a ni.

Tuar a ṭul chuan tuar tûra inpeih a ṭûl. Kristan min tuarsak angin a hniak a kan zuina tûrin entawn tûr a hnutchhiah (1 Pet 2:21). Paula leh Petera te angin Isua hnung i zui dâwn em?

I tân tam ka tuar kha, I hril zo thei lo vang;
Hrehawm sawi sên lohva, Hremna i tuar loh nân.
I tân engpawh ka zuam, Ka tân eng nge i huam?

Paulan Isua tân thih a zuam a, nangin eng nge i huam?