THU ZÂWMTUTE NI RAWH U

JAKOBA 1:19-20,22
Unau duh takte u, chûng chu in hria e; nimahsela, mi tinin ngaihthlâk chuh sela, thusawi chuh lo sela, thin tinel rawh se; mihring thinurnain Pathian felna chu a siam si lo. Nimahsela, thu ngaithlatute mai ni lovin, zâwmtute lo ni zâwk rawh u; chuti lo chu, mahni inbum in lo ni dah ang e.

Mi ṭawng ngaihthlâk tum lo, ṭawng reng mai chu mi chapo an ni duh châwk. Mi tam takin ngaihthlâk kan peih lo va, kan thiam lo bawk. Thu ngaithlatu ni a zâwmtu ni si lo chu, dârthlalanga a pianpui hmai ngun taka en, kal bo leh daih, mi eng ang nge a nih intheihnghilh nghâl si ṭhin ang hi a ni.

Pathian thu ngaithlatu mai ni lova, a zâwmtu kan nih hi a ṭûl. Ngaithla a, zâwm si lo, thil ṭha tih tûr hriaa ti si lo chu a tân sual a ni tih a nih kha. Rilru thar puin sim tûr simin, tih tûrte tiin thu i zâwm ang u.

Ka duhthlanna hi ka pe,
I taah chantîr ang che;
Thinlung i hnênah ka hlân,
I chênna atân nei la.

Sim tur simin, tih tûr tih i zir ang u.