TU DUH ZÂWNG NGE?

JAKOBA 4:1
In zînga indona leh inhnialnate hi khawi aṭanga lo chhuak nge ni? In taksa pêngahte indona siam ṭhîntu, in duh zâwng aṭangte chuan lo chhuak a ni lo vem ni?

Harsatna kan tawh tam tak hi chu mahni kan insiam chawp a ni. Kan thil duh zawng zawngte hi kan mamawh kher lo. Kan châkna, kan duhna, kan duhâmnate hian min khalh kual nasa hle mai. Mihringte inkâra inhriatthiam lohna awm hi mahni hmâ kan sial leh kan pamham vâng a ni fo mai. Duhâmna leh hmasialna hi chu bân ila harsatna tam tak chu kan su kiang thei awm e (Jn 16:2). Isua duh zâwng tih tum zêl ang. Kan pi leh pu ten inzirtîrna ṭha an nei.

i) Sem sem dam dam ei bil thi thi.
ii) Mahni hma chauh sial mi tâwpna a chhe duh.
iii) Lungpui pawh lungtein a kamki loh chuan a awm thei lo.

Ka duhthlanna hi ka pe,
I taah chantîr ang che;
Thinlung i hnênah ka hlân,
I chênna atân nei la.

Lalpa, i duh zâwng tih min zirtîr rawh.