NATHANA

NATHANA

2 SAMUELA 12:9-10
Engati nge Lalpa thu chu ngainêpa, a mit hmuha thil ṭha lo i tih mai? Hit mi Uria chu khandaihin i tihlum a, a nupui chu i nupui atân i neihsak a, Amona thlahte khandaihin ani chu i that a. Chu vâng chuan khandaih chuan i chhûngte chu a kiansan tawp lo vang; nang chuan mi ngainêpin Hit mi Uria nupui chu i nupui atân i chhuhsak ta si a.

Nathana hi Davida leh Solomona te hun laia zâwlnei langsâr tak a ni a, Bathsebi laka Davida a uire pawh khân a zilhtu a ni a. Kan thu ngaihthlâk tak pawh kha a zilhna ṭawngkam zînga mi a ni. A pa, Davida lalṭhutthleng luah tûra Adonijan hma a lâknaah pawh Nathana hi a inrawlh vat a, Pathian duh dân ang takin Solomona a lal ta zâwk a ni.

Davidan Temple sak a tum ṭum pawh khan Solomona sak zâwk tûr a nih thu Nathanan a hrilh a. Solomona thlahten an chan zêl tûr thu pawh a sawi bawk. Pathianin a tirhnaah huaisen takin thu a sawi ngam zêl a ni. Lal leh roreltute dik lohna hmachhawn ngam hi mi mal, chhûngkua leh kohhran pawh hian kan tih tûr pawimawh tak niin a lang ta. Nathana anga huaisen rawngbâwltu hi kan ram hian a va mamawh êm!

One Comment

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.