LEI THUNUN A ṬUL

JAKOBA 3:6
Lei hi mei a ni; kan taksa pêngte zînga khawlohna hlâwm chu lei hi a ni; chu chuan taksa a pumin a tibawlhhlawh a, pianpui tawlailîr chu a tikâng a, amah chu hremhmun tihkan a ni.

Kan lei kan thunun tâwk loh avângin mahni leh mi dang tân pawi kan sawi nasa thei hle. Lawng lian tak pawh hi thli na tak chhem lênin a awm ṭhin na a, a tihertu te tak têin a kaltîr duhna lam apiangah a tiher ṭhin. Engtin nge kan lei kan thunun ang?

i) Ṭawngṭai
ii) Pathian hnathawh ti ti nâna hman.
iii) Lawm thu sawi.
iv) Thudik tak sawi.
v) Mi dang thiltih fak leh fakna tûr lai zawn hram hram.
vi) Harsatna tuarte thlamuan.
vii) Ngawih a ṭul huna ngawih.

Țhian sual chu hawisan la, ṭawngkam țha lo nên,
Pathian hming chu zah la, sawi nawmnah lovin;
Ngilnei, ṭhahnemngai leh thinlung dik takin,
Isua lam en fo la, a hruai zêl fo vang che.

Kan lei hian kan taksa pum a tibawlhhlawha a tikhawloh lohnan i fimkhur ang u.