JAKOBA – PENIELAH

GENESIS 32:24-25
Tin, Jakoba chu amah chauhvin a awm ta a; tin, mi pakhatin ani chu khawfîngchah thlengin a buan a buan a. Tin, a hneh lo tih a inhriatin a malpui ruh chuktuahah chuan a khawihsak a; tichuan, a buan lai chuan Jakoba malpui ruh chuktuah chu a lo pelhsawlh ta a.

Jakoban a nupui leh fate chu Jabok lui a kântîr a, amah chauhvin a awm ta a. Mi pakhatin khawfîng chah thlengin a buan a buan a, a malpui ruh chuktuah chu a lo pelhsawlh ta a. Chu hmun hmingah chuan Peniel (Pathian hmêl), a vuah a. “Pathian chu a hmai hma ngeiah ka hmu a, ka nunna hi zuah a ni si,” a ti a.

Jakoban Pathian a hmachhawn a, huai takin a hming Jakoba (bumtua) tih chu a sawi a, a nihna a inpuang a, a hming chu Israela ‘Pathian lal fa’ tia thlâksak a ni. Kan nihna tak hi Pathian hmaah kan puang ve ngam em?

Thim zînga ṭhuin mangan ritphurin,
Hlim ni rêng i beisei ngam tawh lo maw?
Chung lam thlîr reng la, Chhandamtu lam chu,
Pathian hmêl duhawm chu a lo êng ngei dâwn e.

Hming thar min pêk theih nân a hnên i pan ang u.