THLARAU RAH – RINAWMNA

THLARAU RAH - RINAWMNA

THU PUAN 2:10
Thih thlengin rinawmin lo awm rawh; tichuan, nunna lallukhum ka pe ang che.

Rinawmna tih hian Pathian laka rinawmna te, kan mihringpuite laka rinawmna te leh mahni chunga rinawmna te a huam thei vek a. Lal Isua kan zuina kawngah leh a rawng kan bâwlna kawngah rinawm a pawimawh a, thih thlenga rinawma awmte chauhvin nunna lallukhum an chang dâwn a ni. Camping leh crusade neih ngai zing lutukte hi chhûng lam nuna rinawmna kan tlâkchham vang a ni ngei ang.

Kan eizawnna kawng hrang hrangah leh ram leh hnam kan kaihhruai dânah te hian rinawmna a pawimawh hle a, mi rinawmte chu an ding chhuak a, mi rinawm lote chu an tluchhe nge nge ṭhin.

Kan rinawmna tûr pawimawh tak chu mahni taksa vawn thianghlimna chungchângah hian a ni. Potiphara nupui laka Josefa a rinawmna kha Pathian tâna a rinawmna a ni a, Davida Bath-sebi laka a rinawm lohna kha Pathian laka a rinawm lohna a ni bawk.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.