JAKOBA MUMANG

GENESIS 28:16-17
Tin, Jakoba chu a muhîl a han harh a, “He hmunah hian Lalpa chu a awm ngei mai, ka lo hre si lo va,” a ti a. Tichuan, a hlau va, “He hmun hi a va hlauhawm êm! Hei hi hmun dang a nih loh hi, Pathian in a lo nih hi le, hei hi vân kawngka a lo nih hi!” a ti a.

Jakoba chuan a u Esauva malsâwmna a dawn khalh avângin a u thinur hlauvin a nu nuṭa Labana te hnên Haran khaw lamah a kal ta a ni.

Kalkawngah chuan khua a lo tlai a, Luz khuaah lung lukhamin a riak a. Lalpa nên an inpâwl a, a mutna lei chu amah leh a thlahte pêk a tiam a, a hnên a awm, vên leh hruai kîr leh a tiam bawk. Chu hmun chu Jakoban Bethel (Pathian in) a vuah a. Jakoban sâwma pakhat pêk a tiam ve thung a. Bethel-a Pathian a tâwk hi a nun khawih danglamtu a lo ni ta. Keini pawh Jakoba anga kan harh chhuah a ṭûl.

Lo chêng ve la, kan rûn chhûngan,
Hmangaihtu Lal Pathian;
Chhûngkaw puipa ber lo ni la,
Keini i hmangaih fa.

Kan in hi vân kawngka a ni thei tih i hria ang u.