ṬAWNGKAM – THIAM LOH CHANTIR THEI

MATTHAIA 12:36-37
Tin, ka hrilh a che u, miten thu lawilo an sawi apiang, chûng thu chu rorêl niah chuan an sawi fiah a la ṭûl ang. I thu chuan thiam a chantîr ang chia, i thu vêk chuan thiam loh a chantîr bawk dâwn che asin,” a ti a.

Kan thil sawiin thlarau dinhmun a tihlan mai bâkah kan taksa pum a tibawlhhlawh thei (Jakoba 3:6). Petera pawh, ‘i ṭawngah a hriat alawm’ (Mt. 26:73) an ti mai. Thingkung a zirin rah ṭha leh ṭha lo a lo chhuak ṭhin (Lk 6:43-45). Dâr kan vuak hnuin kan chawk reh thei tawh lo angin, kan sawi chhuah tawhte hi kan la lêt leh thei lo va, i fimkhur ang u.

Pathian thuin khâkna te, thinurna te, tauhna te, ânna te, sawichhiatnate bânsan tûr leh inkhawngaiha inlainat tûr leh inngaidam tawn tûrin min duh (Eph 4:31-32). Ngawih zir ila, khawngaihna tel chia al thu sawi i tum hrâm ang u.

Ṭhian sual chu hawisan la, ṭawngkam ṭha lo nên,
Pathian hming chu zah la, sawi nawmnah lovin;
Ngilnei, ṭhahnemngai leh thinlung dik takin,
Isua lam en fo la, a hruai zêl fo vang che.

I ṭawngkam hmanah fimkhur rawh.