KAWNG KA ENTIR ANG CHE

SAM 32:8
Fing taka awmtîr chein i kalna tûr kawng chu ka entîr ang chia; Ka mita en reng chung chein rem ka ruatsak zêl ang che.

Mi â chu mi dang ngaichang lova mahni ṭha tih zâwng chauh a kalte hi an ni. Samuela khân Lalpa ngaichang lovin ama finna chauh chu hmang se Davida ni lovin Eliaba Chu lal tûrin hriak a thih ngei ang le.

Dai pelh ṭhin tawh pawh ni mah ila, Davida angin Lalpa hnênah i tlu lût phawt zêl ang u. Kristiana leh Beiseia pawh kawng nuam lam an zawh a, Milianbeidawnga inah an tâng a. An beidawn dêr tawh hnuah Kristiana’n chahbi a kawl, ‘Thutiam‘ hmangin kawng an hawng a, an chhuak leh ta hrâm a ni.

Kawng dik zawh tûrin Pathian hnaih a pawimawh. Kawngka zîma lût tûra hrilh kan ni (Mt. 7:13).

Kawng awlsam a ni lo;
Mahse, chhandamtun min hruai,
Ni tinin lâwmna min pe zêl ṭhin.

Lalpa kawng min kawhhmuh zawh hrâm i tum ang u.