JOSEFA (ISUA PA)

JOSEFA (ISUA PA) 1

MATTHAIA 1:18-19
Tin, Isua Krista lo pian dân chu hetiang a ni: A nu Mari chu Josefa nên an inhual laiin, an inpâwl hmain Thlarau Thianghlimin a raitîr tih an lo hre ta a. Tichuan, a pasal tûr Josefa chu mi fel tak a ni a, tlângthantîr a duh lo va, a rûkin bânsan a tum a.

Josefa hi Abrahama aṭanga chhui chhoh zêla Isua thlahtua sawi a ni a. Bible-ah a chanchin hmuh tur a tam lo naa, Lal Isua pianna chungchângah hmun pawimawh tak a luah a, tisa lamah Isua pa nihna a chang hi dinhmun ropui tak a ni. A eizawnna chu thingrem siam a ni. Josefa hi a dam rei vak lo a ni mai thei, Lal Isua rawngbâwl lai pawh hian a dam tawh lo niin a hriat.

Josefa hi pa inngaitlâwm leh thuhnuairawlh tak, mi fel tak a ni a. Marin Isua a pai tûr thu a hriat pawh khan tihmualpho ai chuan a rûka bânsan a duh hial zâwk a nih kha! Khawsakna thilah pa challang ni lo mah se, a thinlung lamah Isua pa nih tlinga Pathianin a ngaih theih tûra a awm hi a ropui thlawt a ni. Vawiin thlengin tlâwmna hmunah zêl Lal Isua târ lanin a awm ṭhin.

Leave a Reply

Your email address will not be published. Required fields are marked *

Copyright © 2017 - 2020 Our Daily Bread Mizo.
Privacy Policy | Powered by MIZOHOSTING.