MARI HLA

LUKA 1:46-47
Marin, “Ka nunin Lalpa a chawimawi e, Ka thlarau pawh mi chhandamtu Pathian chungah a lâwm ta êm êm a.

Mari hla hi a ropui a, a thinlung Lalpa thuin a khat liam a ni ber. Hei vâng hi a ni mai thei, Lal Isua pai tûra thlan chhuah a nih chhan hi.

Mari hla hi Hani ṭawngṭaina (I Sam 2:1-10; 1:11) thangkhâwk a ni. Pathian ropuizia leh chakzia a pho lang. Engkim chunga thuneitu, lalte pawh titlâwm a, hnam tlâwmte chawimawitu a nih a puang. ‘Mi chhandamtu Pathian’ a tih hian amah pawh chhandamna mamawh mihring a nih a tichiang.

Mari inngaihtlâwmna pawh bawihnu tia amah a insawi aṭangin a hriat theih. Marin ‘Chungnungbera Fapa‘ a pai tih a hria. Isua mawhphurhna a lo hre vek tawh. Messia a ni tih an sawi pawhin mak an ti lo. Mari hi Pathian chungah a lâwm êm êm a ni.

Ka lâwm êm êm a ni, tûnah hian,
Chhandamtu ngilnei tak, Hmangaihtu chuan,
Ka thlarau a chhanhim leh ta.

Lalpa chunga lâwm nachâng i hria em?