AIGUPTA RAMAH NAUSEN ISUA

MATTHAIA 2:13
Tin, an hâwn hnuin ngai teh, Lalpa vântirhkoh Josefa hnênah a mangah a inlâr a, “Tho la, nautê leh a nu hruai la, Aigupta ramah tlân bo rawh, ka hrilh leh hma loh che zawng chutah chuan awm reng ang che; Herodan nautê tiboral tûrin a zawng dâwn a ni,” a ti a.

Israel fate chu Aigupta ramah hrehawm takin an awm a, an sal tânna ata chu kum 1400 lai kal ta khân Mosian harsa takin a hruai chhuak a. Vântirhkoh hrilh angin Aigupta ramah nausên Isua chu an hruai a, Pathian thu famkim nan Isua chu a kal a ṭul a ni (Mt 2:15; Hos 11:1).

Kan Bible-ah hian Josefa chhûngkaw chanchin chipchiar kan hmu lo nain thawnthu ngaihnawm tak sawi a awm a. Mi sual pahnih Titus-a leh Dumachus-a ten suam an lo tum dân te, mi pahnih chu a ding leh veia khenbeh an nih tûr leh Titus-a Aigupta mi zâwkin amah a rin leh paradisa a luh tûr a sawi lawkte an sawi ṭhin. Isua Kristan taksa sual bawih mai ni lo, sual lakah leh thlarau sal tânna lak ata min chhandam hi a va ropui êm!

Haw rawh, haw rawh, Lalpan a ngaidam duh che;
I sualna chu engtiang pawh nise;
Haw rawh, a silfâi duh che.

I kawng zawh lai kha chhût ngun rawh.