ÂN HMANG

THUFINGTE 27:15
Khawchêng leh hmeichhe ân hmang chu, Angkhat an ni.

Ân hmang tih leh hmeichhia hi an inmawi duh tlângpui. Bible pawh hian mipa nên aiin hmeichhia nên a bel zâwk deuh niin a lang. Hetiang anih lai hian paho zîngah pawh ân hmang tak tak hriat tûr an tam hle.

A ṭul avanga ân hi a awm ve thei a, ṭul lem lovah pawh tihṭhana neih avanga ân laklawh a awm ve thei bawk. Mahni in chhûnga ân cheh lutuk te, mahni ṭhenawm khawveng te ân khum vak chîn te leh mahni thawhpui te ân khum fo ang chi hi thil pawi tak a ni.

Ân hmang deuhho hi miin an zah lo va, a hlauhvin an hlau zâwk ṭhin. A chhan leh vang ṭha tâwk a awm anih chuan ân pawh hian awmzia a nei ve tho va. Amaherawhchu a chhan leh vang ṭha awm si lova ân thlâk zen hi mi nuihzat leh hmuhsit hlawhna a ni. Khawcheng a ninawm ang hian ân hmang pawh a ninawm dâwn tihna a ni.