MIDANGTE HMANGAIH

MARKA 12:31
A dawttu chu, ‘Nangmah i inhmangaih angin i vêngte pawh hmangaih ve rawh,’ tih hi a ni. Hêng aia thupêk pawimawh zâwk rêng hi a awm lo,” a ti a.

21st June hi American Idol 2009, Kris Allen Birthday a ni a. Kris-a hi hmun hrang hrang; Burma, Morocco, Mozambique, South Africa, Spain leh Thailand-ah te missionary in a lo kal tawh a ni.

Morocco rama Missionary-a a kal ṭumin a thi ṭep a. Chumi hnuah Thailand-ah te a la kal leh ṭang ṭang a. Thailand a kal dawn hian a chhûngten a Guitar neihchhun US Dollar 700 man, TAKAMINE an tih chu ken an phal lo a. A chhûngte phal lo chung chung chu a keng ta tho a.

S.E.A. ram vêla an zainaah a Guitar chu uluk takin a keng zêl a. Vawi khat chu Thailand rama an rawngbâwlna hmun pakhatah hmeichhe naupang pakhat hi Guitar nên a lo zâi a. A Guitar chu a hlui êm avângin a rî pawh a hriat ṭhat theih mang loh a. Guitar hrui pawh a nei kim bawk si lo a.

Kris Allen-a chuan uluk takin a lo ngaihthla a, mahse a Guitar chhe deuh a hmuh chuan a khawngaih lutuka a mittui a luang zawih zawih mai a. A zâi zawh chuan Kris-a chu a Guitar nen stage-ah a han lâwn a, hmeichhe naupang hnênah chuan a Guitar duh êm êm mai, a chhûngten ken an phal loh, man to tak, TAKAMINE Guitar chu a pe ta ringawt mai a ni. Mi tam tak ten an ngaihsan phah mai bâkah inhmuchhuak te an awm a. Mi pakhat chuan, “Kris-a hi mi danglam tak a ni, amah avangin midangte hi ka hmangaih fo tawh anga, midangte ka ngaihsak ve ṭhin ang. Mi inngaitlâwm leh mi fel tak a ni. Ka nun min châwm reng ang che. Ka thihni thiengin.” a ti a ni.

Vawiinah erawh Kris-a chuan Guiter perh sên loh, mawi tak tak a nei a.