SUAL KALSAN RAWH

SAM 37:27
Sual kalsan la, thil ṭha ti rawh; Tichuan, kumkhuain chêng reng ang che.

German rama sahuan pakhatah chuan mi pakhat hian mipui hmuhah saphai feet 12-a sei a buan ṭhin a. Sahuan tlawhtute pawhin hmuhnawm an ti hle a. Vawi khat an han inbuan leh chu saphai chuan a zial ta thut mai a, a buantu ruh chu a ri ta tuar tuar mai a, a entute chuan saphai chu hreipuiin an chêk hlum ta a. Chu pa chu damdawiin an panpui a, Doctor-in a han en chuan a lo thi dêr tawh a.

He pa ang deuh hian sual hi kan nêl laklawh a, kan buan kan buan ṭhin a. Intihtheih nân te kan hmang a. A tâwpah chuan kan thihna zawng rântu chuan min tihlum leh nge nge ṭhin zawng a nih hi! Sual lakah kan ngampat chuan keimahniah sual a ngampa ve nghâl ṭhin. Kan thlarau nun tâna ṭha lo tûr sual lakah kan fimkhur hlê a pawimawh. Sual hi kan kalsan ngam phawt chuan min um min um dâwn lo. Sual kalsan la thil ṭha ti rawh.