NEIH INANG INKAWP

ROM 1:26-27
Chumi avâng chuan Pathianin zahthlâk taka hur phalin a hawisan a; an hmeichhiate meuh pawhin an awm dân pianpui chu dan lo anga awm tûrin an intidanglam si a; mipate pawhin hmeichhe hman dân pângngai bânsana hurin an inît a, mipa leh mipa ṭha lo takin an inti a, an sual man hmuh tûr chu anmahniah an hmu a.

Kan Bible-ah hian vawiina mite kan inenna tûr dârthlalang chiang takin târlan a ni a. Pathianin a siam dân anga awm lote chanchin leh an chan chhiatzia thlengin hetah pawh hian ziak a ni.

Bible-in a sawi dânin mipa hi nupui nei tûra siam a ni a, hmeichhia hi pasal nei tûra siam a ni. Hmeichhe pasal chu mipa a ni tûr a ni a, mipa nupui pawh hmeichhia a ni tûr a ni. Pathian siam dân duh tâwk lova mipain a mipatpui a kawp a, hmeichhiain a hmeichhiatpui a kawp chuan Pathian dân bawhchhiatna a ni.

Paula-te hunlai pawhin hetiang mite hian Pathian hawisan an hlawh avangin vawiina mite pawh Pathianin a hawisan dâwn. Pathian hawisan nih chu a râpthlâk viau ang. An saltânna aṭanga an chhuah theih nân lainatna thinlung nên i ṭawngṭaisak ang u.