LALPA KAN ṬIH EM?

THUFINGTE 8:13
Lalpa ṭih chu sual huat hi a ni; Chapona te, uanthuanna te, thil ṭha lo tih chîn te, Ṭawng chaltlai te hi ka haw takzet a ni.

Mizo Kristian tam ber ten Pathian kan ṭih lohna chhan nia lang chu phuba lâk hmang a nihna te, a thinchhiatna te, kan ral hmang mei a nihna te, vuak hmang leh a duh loh zâwnga awm te hrem ṭhîn a nihna te kan hriat tâwk loh vâng niin a lang.

Zu avânga thi an tam tawh dân te, drugs avânga kan ṭhalai sâng chuang zet thi tawh te leh mi sing thum vêl zet ngawl vei kan la nei te, kum tina nau titla tam tak hriat tûr an awm ṭhîn te leh ‘thisen chhuahna ram’ tih theih hiala kan awm te, eirûk avânga mipuiin kan chanvo tûr kan chan phâk loh ṭhin dân te leh mipui te pawhin kan hruaitute thil sual tihtîr kan hreh loh dânah te hian Lalpa kan ṭih lohzia a chiang hlein a lang.

Lalpa ṭih hi chhûngkua aṭanga kan ṭan ngam chuan kan ram hi a dam mai dâwn a ni.