I DUHZAWNG … TI RAWH SE

MATTHAIA 6:10
I duh zâwng vâna an tih angin leia min ti rawh se.

He lai thu hi Luka chuan a ziak ve lo. Vânah chuan sual a awm tawh loh avângin Pathian duhzawng tiin hlim takin hun an hmang a. Krista hnehna puan te, Amen Halleluiah tia, lâm leh rimawia Pathian fak leh chawimawi chu an hnapui ber niin a lang (Thup.5;12;19). Vâna mite duhzawng kan tih ve dâwn chuan an tih anga kan tih ve pawh a ngai dâwn ni awm tak a ni!

“I duhzawng vâna an tih angin leia min ti rawh se” tih hi “I ram lo thleng rawh se” tih nên a thu a in lalâwn nghal a. Pathian ram thlenna chuan Pathian duhzawng tih chu a duhzawng a lo ni tawh ṭhin. Vâna mite duhzawng ti lova mahni duhzawng kan tih leh ṭhin avang hian hmêlma pa bawihah kan tâng leh ṭhin niin a lang. Kohhran belh, Bible chhiar leh ṭawngṭai, inkhâwm, Pathian hnêna thil pêk te hi vâna mite duhzawng, leia kan tih mâkmawh tûrte a ni tih i hre thar leh ang u.