KAN SUALTE MIN NGAIDAM ANG CHE

LUKA 11:4
Kan sualte min ngaidam ang che, Keini pawhin kan englo bâte zawng zawng kan ngaidam ṭhîn a ni.

Luka’n, “Kan sualte min ngaidam ang che,” tia a ziah laiin Matthaia chuan, “Kan batte hi min ngaidam ang che,” a ti thung a. He lai thu hi kan hman dân tak chu, “Kan chunga thil tisualtute kan ngaidam angin, nang pawhin kan thiltih sual ngaidam ang che,” tih a ni.

Eng pawh ni se, he lai thu Isuan a zirtîr hian mi dangte ngaihdam duhna rilru pu chunga Pathian hnênah kan sualte min ngaidam tûra kan ṭawngṭai a duh niin a lang. Paula chuan, “Pathianin Kristaah a ngaidam che u ang hian, in ngaidam tawn rawh u,” a ti a. Kan ngaihdam hmâ pawhin ani chuan min ngaidam tawh a. Pathianin min ngaihdam tawh avângin mi dangte kan ngaidam ve thei tûr a ni. Bawih sual ang maia ngaihdam nih duh, mi dang ngaidam thei si lo nun hi lal Isuan a duh lo niin a lang (Mt. 18:21-35).