ABIGAILI (NABALA NUPUI)

1 SAMUELA 25:23-24
Tin, Abigaili chuan Davida a hmuh chuan a sabengtung ata chu a chhuk thuai a, Davida hmaah chuan a hmaia lei siin chibai a bûk a. Tin, a ke bulah chuan a bawkkhup a, “Keiman, ka pu, keimah ngeiin khawlohna chu ka hlawh mai ang e. Tin, i chhiahhlawhnu hian i beng hriatah thu sawi sela, i chhiahhlawhnu thusawi chu khawngaih takin ngaihthlâksak ang che”.

Abigaili tih awmzia chu ‘ka pa chu a hlim’ tihna a ni. Pasał sual tak, zu ruih hmang bawk si, â bawk si, Nabała a nei a. A pasał sualna avangin Lal Davida chuan an chhûngkua tih mang vek a tum a. Chu thu chu Abigailin a lo hriat chuan, “Kan chhungkaw khawlohna mawh chu keiman ka phur mai ang e,” tiin Davida hnênah a sawi ta a, chu chu an chhûngkua pawhin an mang loh phah ta a. Abigaili hi a fel êm avangin a pasał Nabała a thih hnuah Davidan a nupuiah a nei ta nghe nghe a ni.

Mahni kawppuite leh chhûngte bawhchhiatnaa mawhphur ngam, Pathian hnêna chhûngkaw sualna avanga thupha chawi thei; chhûngkaw tâna dai theu ngam mi Abigaili ang hi Zoram hian a mamawhna a va sâng tehlul êm!