KUT NGHAT THUT SUH

1 TIMOTHEA 5:22
Tu ma chungah kut nghat thut suh la, mi dang sualnaahte chuan tel hek suh; intithianghlim reng rawh.

Nemngheh rawngbâwl hna thawk tûra serhhrante chu an lu chungah nemnghet tuin kut nghatin a serhhrang ṭhin a. Damlote lu emaw taksa chungah kut nghatin kan inṭawngṭaisak fo bawk ṭhin. Paulan Timothea hnêna kut nghat thut lo tûra a hrilh hi chhût tham tak a awm.

Thlarau lama daihriatna nei tawhte chuan rinna chak lo takin ramhuai pai chunga kut nghata an ṭawngṭaisak ve ngawtte hi ṭha an ti lo. An ṭawngṭaisak ramhuai pai kha a ṭawngṭaisaktu kawchhûngah an lût thei niin an sawi.

Damlo an ni emaw mi dang an ni emaw hmeichhia leh mipa kârah phei chuan mawi lo palh a awm awl êm êm a, hetiang thilah pawh hian fimkhur a pawimawh hrim hrim tih hriat a ṭha.