JOSUAN TIH LOH A NEI LO

JOSUA 11:15
Lalpan a chhiahhlawh Mosia thu a pêk ang bawkin Mosia pawhin Josua chu thu a pe ve a, chutiang chuan Josuan a ti zêl a. Lalpan Mosia thu a pêk zawng zawng chu tih loh rêng a nei lo.

Josua hi Mosia tha chhang dâwltu niin, Amalek ho an beih laia Mosia a ban phar ṭum pawh khân hruaitua a tirh a ni. Thu sawm pêk Sinai tlâng aṭanga a lâk lai pawh a tlâng bul vêlah a lo nghâk tu a ni. Kanan ram va enthlatu, Pathian chakna ringa hneh mai inring tlat, Lalpa’n Mosia thlâk tûra a thlan a ni (Num 27:18). Mosian thu a hlan chhawn hnial buai lova ti vek tu a ni bawk.

Nu leh pa, pi leh pu leh zirtîrtu thu kan zâwm ṭha em? (Heb. 13:17a). Rorêltute chu Pathian ruat an ni a (Rom 13:1), zah thiamin an thu awih i zir ṭheuh ang u. Kohhran ho hmanga ti tûra min ruatte hi phunnawi lovin lâwm takin i ti ṭhin ang u.

I duh ang chu min tihtîr la,
Duh zawng dang ka tih loh nan.

LALPA, Josua angin ka hmaa tih tûr min ruatsak ti vek thei tûrin min pui rawh.