KA CHAWLHTÎR ANG CHE U

MATTHAIA 11:28-30
“Nangni thawk rim leh phurrit phur zawng zawngte u, ka hnênah lo kal ula, keiman ka chawlhtîr ang che u. Ka nghâwngkawl bât ula, ka hnênah zir rawh u; thuhnuairawlh leh rilrua inngaitlâwm tak ka nih hi; tichuan, in thlarau tân chawlhna in hmu ang. Ka nghâwngkawl chu a nuam a, ka phur pawh a zâng a ni,” a ti a.

Kan pi leh pute’n pialral kal an châkna chhan chu hnathawh a ngai tawh dâwn lova, faisa ring an nih dâwn vâng a ni. Mi ṭhenkhat ten taksa chawlhna bâkah rilru chawlh hahdamna an zawnna lamah ruihtheih thil – zu leh damdawi leh mipat-hmeichhiat nawmchenna lamah an tlân ṭhin. Hêngah hian chawlhna tluantling a awm lo.

Sakhaw miten sakhuanaah leh thilṭha tihah chawlhna an zawng a. Rilru hahdamna leh thlamuanna tluantling an hmu lo. Isua chawlhna pêkah chuan hmangaihna leh Pathian awmpuina thlamuanthlâk tak a awm. A hnêna kal a lâwm taka châwl mai tûr kan ni.

Chhandamtu, i ropui zârah,
Hahchawlhna nuam a awm;
I theihna buaina tinreng,
Ata min hruai chhuak la.

Isua rin hi thlarau chawlhna leh thlamuanna a ni.