PATHIAN RÂLTHUAM FAMKIMIN

EPHESI 6:10-11
A tâwp berah chuan, Lalpaah leh a chakna thahruiah chuan thiltihtheihna neiin lo awm rawh u. Diabola ngamthlêmnate chu in do zawh nân Pathian râlthuam famkimin inthuam rawh u.

Pathian râlthuam famkima inthuam tûra thupêk kan ni. Kan chak lohna ngaihtuah lova thupêk awiha râlthuam famkima inthuam tûr kan ni. Taksa lam râlthuam a ni lo a, thlarau râlthuam, hmêlma hnehna tûr a ni. Setana chakzia leh fin vervêk dân hi kan hre chiang tûr a ni, chuti lo chuan kan inthlahdah ang. Kan do tûr hi hmuh theih leh khawih theih bâkah, lalna te, thuneihna te, thim chunga khawvêl rorêltute leh vân hmunahte thlarau sual awm hote an ni. Chuvang chuan kan inthuam ṭhat a ngai êm êm a ni.

Isua zuitute hi indona hmuna awm kan nih avângin râlthuam kan mamawh reng dâwn a ni.

Ka râlthuamna ka dah ngam lo,
Aw, ka chenna râlṭitna hmun;
Ni tin thlemtu chuan min do ṭhîn,
Aw, ka Tlantu chu phatsan tûrin.

Pathian râlthuam famkimin inthuam reng rawh.