ISUA – GRÊP HRUI

JOHANA 15:5
Kei grêp hrui chu ka ni, nangni a pêngte chu in ni; tu pawh keimaha awm renga, kei pawh amaha ka awm rengna chu, chu mi chu tam takin a rah ṭhîn; keimah lovin eng mah in ti thei si lo.

Lal Isua hian a thusawinaah hian tehkhin thu tam tak a hmang a. Amah ngei pawh thil chi hrang hrang tehkhin nân a inhmang ṭhin. Kan han chhiar tâkah pawh khan ‘kei grêp hrui ka ni’ a ti a, a pêngte chu amah ringtute kan nih thu a sawi lang bawk.

Huan neituten grêp an phun chhan chu rah chhuah tûra an duh vâng a ni ṭhin. Grêp pêngin rah a chhuah theihna tûra pawimawh êm êm chu a hruipui nêna a inzawm a ni a. Ringtu pawhin Lal Isua a zawm reng loh chuan rah a chhuah thei dâwn lo a ni. Grêp rah lo zâr hi an sât chhum ṭhin a, a lo chawr thar chuan rah duhawm tak a rawn chhuah ṭhin. Sah chhum kher ngai lova rah chhuah mai hi thil ṭha ber a niin a rinawm. Rah chhuah tûrin Lal Isua i zawm tlat hlawm ang u.