LAL ISUA THISEN

HEBRAI 9:22
Tin, Dân thu zawngin engkim thaw mai hi thisena tihthianghlimin a awm ṭhîn a, thisen chhuah lohvin ngaihdamna rêng a awm lo.

Hindu hovin an sual tlenfaina lui pawimawh bera an neih chu Ganges lui a ni a, ni tin mi sâng tam tak an inbual a; a kamah hian mitthi hâlna hmunpui an nei a, kum 5000 vêl chu mitthi hâlna mei hi mit lovin a awm tawh a ni an ti. Thuthlung Hluiah ve thung chuan ran thisen hmangin Pathianin an sual ngaihdamna a siamsak ṭhin tih kan hria.

Tui leh ran thisenin kan sualna a tlenfai theih loh chu Lal Isua thisenin a tlêngfai thei a. A thisen hian khawvêla hnam ze tinrêng a mil vek a. Kraws-a an khenbeh nî aṭanga vawiin thlengin kan sual tlêngfai tûrin a la chak tâwk reng a ni. Lal Isua thisen chu Pathian leh mihring inkâra thuthlung thar min siamsaktu a ni bawk.

Mi sual dum ber a vârna chu,
Kalvari thisen hlû a ni.