ISUA LEH PETERA

JOHANA 21:17
A vawi thumnaah, “Nangin mi ngaina em?” a hnêna a tih avâng chuan Petera chu a lungngai a, a hnênah, “Lalpa, engkim i hria a, ka ngaina che tih i hria e,” a ti a.

Petera hi Isuan hmêl danglamna tlângah te, Jaira fanu tihdamah te leh Gethsemane huana a hruai zînga mi a ni. Isuan, ‘nangnin tu nge ka ni min tih?’ a tih pawhin “Krista, Pathian nung Fapa chu i ni,” ti ngat theitu kha a ni. “Setan, ka hnungah kal rawh,” tih a ngaih châng lah a awm. Gethsemane huanah puithiam lalber bawih beng a sât thla a. Isuan a thawhleh thu kha zirtîrte leh Petera hnêna hrilh tûrin a ti kher (Mk 16:7). Isuan vawi thum a hmangaihna puan chhuahna remchang a siam a, mahse âr khuan hmain vawi thum lai a phat hman a ni.

Petera, inchhîr a simtu hnênah Isua a inlâr a (1 Kor 15:5). Isua hi kan lo phat tawh pawh a ni mah na, inchhira simin a lam i hawi ang u. Anin min ngaidamin a tân kan tih theih tâwk tihna hun remchang min pe ngei ang.

Mahse, ka LALPA hmangaihna ropui chuan,
Mi sual sim a ngaidam;
Simin ka lo kal e, aw LALPA (2)
Ka sualna ngaidam rawh.

Inchhira sual simin Isu i hnên kan rawn pan e.