ṬAWNGṬAI THILTIHTHEIHNA

TIRHKOHTE 12:5
Chuvângin, Petera chu tân inah chuan a awmtîr rih a; nimahsela, kohhranhovin ama tân ṭhahnemngai takin Pathian hnênah an ṭawngṭaisak ṭhîn a.

Lal Heroda khân Kristiante tiduhdahin Jakoba, Johana unaupa pawh khandaihin a sât hlum a, Petera pawh tân inah a khung a. Kohhranhoten ṭhahnemngai takin an ṭawngṭaisak ṭhin a. Vântirhkohvin Petera muhîl lai a nâkah a bêng harh a, Petera hlinna khaidiat chu a kut ata a tla ta nghâl a. Tâng vêngtute hriat miah lohvin vântirhkohvin a hruai chhuak ta a ni.

Petera chhuah a nihna chhan hi kohhranhovin ṭhahnemngai taka an ṭawngṭaisak ṭhin vâng a ni a. Inlungrual leh tih tak zeta kohhranhovin Lalpa kan dîl hi chu kan hlawhtling nge nge ṭhîn. Inrinni zân leh zîng ṭawngṭai inkhâwma kan ṭawngṭaite hian thil ropui tak a ti ṭhin. Kohhran hi mitthi khaw kulh kawngkhâr pawhin a ngam loh thiltihtheihna kawltute kan ni tih i hre reng ang u.