SETANA CHÊT DÂN

1 PETERA 5:8
Ngaihven ula, fimkhur rawh u; in khingpui Diabola chu sakeibaknei rûm ṭhîn angin, a ei theih tûr zawngin a phi ruai ṭhîn.

Setana hian kan sumdâwnna khawvêl hmang hian kawng hrang hrangin min bei nasa hle a. Naupang leh ṭhalai duh zâwng tûr takin thil siamtute pawh a siamtîr a. Ram tam taka a hlawhtlin tawh hnuah Mizoramah pawh a hlawhtling hle a. Spider-man te, Batman te, Pokemon te, adt. kan tih ang chite hi naupangho a beihna a ni duh hle. Tattoo te, luruh ṭhen ṭhe ṭhu T-Shirt a inziak te, bike break light-a vuah chi te, jacket leh jumper hnung lama ki nei vên vûn te, maimawm rîl inzam chiai chuai te, sâp ṭawnga thu inziak- ‘Just do it’ tihte leh hurna lam rawngkai thu ziak ṭhenkhat te, a awmzia hre mang lova kan lei, hmêlmapa ngampatna tûr ha ta lâwp lâwp kan tam ta khawp mai.

Sakhaw danga an pathian biakna tlereuh, intih style nâna kan lo hman ve tâk mai te pawh a tam ta! Kan rin loh hlân hian hmêlmapa hian min lo hmang ṭangkai thei tih hriain kan thil leiah leh thilpêk dawnah pawh i fimkhur viau ang u.