ISUA ṬANTE LAWMMAN

MATTHAIA 10:32-33
Chutichuan, mite hmaa mi ṭan apiang, ka Pa vâna mi hmaah ka ṭan ve ang. Nimahsela, tu pawh mite hmaa mi phat apiang, ka Pa vâna mi hmaah ka phat ve ang.

Naupan laiin sikulah ṭantu (boss) huaisen tak kan neih chuan anmahni avângin kan huai ve ṭhîn. Min ṭantu nei tûr chuan anmahni ṭantu ṭha (an kid rinawm) kan nih a ngai ṭhîn. Min ṭantu avângin mi dang hlau lovin thlamuang takin kan awm thei.

Khawvêl hmuhah kan ṭan lam kan tichiang tûr a ni. Isuan amah ṭantu chu Pathian vântirhkohte hmaah a ṭan ve ang (Lk 12:8, Thup 3:5).

Isua ṭan nih aia lawmman hlu a awm thei dâwn em ni? Kan ṭawngkam, nungchang leh chêtziain Isua kan phat thei a, ngawi rengin kan phat thei bawk. Phattu ni lovin amah ṭan tlattu i ni ṭheuh ang u.

Isua tân rinawmah ka inpe,
Amah ringin, amah ringin;
Ka hmangaihna ka rawn hlân e,
I tân tifamkim rawh.

Isuan amah phatsantu chu a phat ve ang.