THUPÊK ROPUI

MATTHAIA 22:37-38
Tin, ani chuan a hnênah, ‘Lalpa i Pathian chu i thinlung zawng zawngin, i thlarau zawng zawngin, i rilru zawng zawngin i hmangaih tûr a ni,’ tih hi. Chu chu thupêk ropui leh pawimawh ber a ni.

Juda ten savuna siam bâwm a chhûnga Pathian thu (Shema) an dah chu an bun a, an chalah an hrêng bawk, hei hi an ṭawngṭai laiin an bel ṭhin. Pharisai ṭhenkhat phei chuan langsâr tûrin an siam lian a ni. Hei hi an thurin puan chhuahna niin, ni tin vawi hnih sawi tûr a ni a, a tawi chu Deut 6:4-9 a ni. A tikimtu dang chu Deut 11:13-21; Ex 13:1-10, 11-16 te an ni. Hei bâkah hian Shema chu bâwm (Mezuzah) chhûngah khungin, an kawngka tinah an dah bawk.

Juda ten thu sâwm pêk (Ex 20:1-17) zâwm an tum a, kan Pathian erawh chuan thilpêk leh inthawina aiin amah hmangaih a duh. Hmangaih lantîrna chu thu awihna a ni (Jn 14:15, 21, 23-24). Kan thinlung, rilru, thlarau leh kan chakna zawng zawng a amah hmangaih a phût a ni.

Ka hmangaih theihna zawng hi,
I ke bulah leih ka duh;
Ka ta zawng zawng pêk ka duh,
Keimah nên nei tlat ang che.

Pathian hmangaihna hi i chhâng lêt dâwn em?