THIL ṬHAA TIHKHAH

MATTHAIA 12:44-45
Tin, ‘Ka chhuahna inah khân ka kîr leh mai ang,’ a ti a; tin, a va thlen chuan, in chu ruaka, phiah faia, chei mawiin a hmu a. Chu veleh a va kal a, amah aia sual zâwk ramhuai dang pasarih a hruai a, chutah chuan an lût a, an awm reng ṭhîn a; chu mihringa awmze hnuhnûng chu a hmasa aiin a lo ṭha lo zâwk ṭhîn a ni. Chutiang bawkin tûnlai chhuan sual takte chungah hian a la awm ang,” tiin a chhâng a.

Thlarauva khata kan awm (Eph 5:18) hi a ṭûl hlê a ni. Bible chhiar leh inkhâwm hi kan tihmâkmawh a ni.

Thil dik, zahawm, fel, thianghlim, duhawm leh a thangmawite kan ngaihtuah a ṭûl. Ngaihtuahna tenawm leh thianghlim lo lakah kan fimkhur tûr a ni. Tûn laiin media hrang hrang avângin tharum thawhna leh mipat hmeichhiatna tichhuakthei bâkah thil dik lo ngaihtuah phahna tûr a tam ta hle. Kan fimkhûr a ngai hle mai.

Kan nun hi thil ṭhain tikhat ila, dâwt sawi bânin thu dik sawi ila, mi dang tibuaitu ni lovin ṭanpuitu nih i tum ang u. Thil ṭha lo kan lo ti anih pawhin i sim ang u.

Lal Isu, bawlhhlawh engmah awm phal suh la,
I thisenin kaidum zawng mwng sîl fai rawh;
Silfaina chu engkim aiin ka ngâi hlu,
Tûnah min sil la, vûr aiin ka vâr ang.

Thil ṭha lo paihin thil ṭhain i tikhat ang u.