RAM CHU LALPA TA A NI

SAM 22:28
Ram chu Lalpa ta a ni a, hnam tin chunga rorêltu a ni si a.

Leilung leh a chhûnga chêngte hi LALPA ta an ni (Sam 24:1), a duh dâna rorêlna leh inrêlbâwlna pawh kalpui tûr a ni. Dikna tel lo rorêlnaah Pathian a lungawi lo va. A duh chu rorêlna dik lui anga luan leh felna chu luipui kang ngai lo ang a luan a ni (Amos 5:24). Rethei leh hausa hleih nei lova dik tak leh fel taka rorêl hi Pathian duh dân a ni.

Ram a chhiat chuan lal leh a chhûnga chêngten mawh an phur (2 Chro 7:14). Lalpan ram a chhiat loh nân leh ram chhana a hmaa ṭang tûr a zawng a, a hmu si lo (Ezek 22:30). Israel fate pawh Pathian an hawisan chuan ram dang lal milem be mi hnuaiah an kûn a ṭûl ṭhîn. Hnam tin chunga rorêltu hmaah a duh dâna awm i tum ṭheuh ang u. Kan ram damna hi nang leh keia kutah a awm a. Rinawm leh dik takin kan tih tûr te i ti zêl ang u.

Ṭap chungin ṭawngṭai zêl la,
Aw inren suh Zoram tân,
Kawtthlêra lungduh chaute thlîr la;
Mahni inphatin ṭawngṭai tlângah ṭhingṭhi la,
Lal thutiam damna i dîl ang u.

Kan ram tân nasa takin i ṭawngṭai ang u.