I PIANGTHAR TÛR A NI

JOHANA 3:5-7
Isuan a chhâng a, “Tihtakmeuhvin, tihtakmeuhvin ka hrilh a che, mi tu pawh tuiah leh thlarauva an pian loh chuan Pathian ramah an lût thei lo vang. Tisaa piang apiang tisa a ni; Thlarauva piang apiang thlarau a ni. I piangthar tûr ka tih che hi mak ti suh.”

Nikodema chu Pathian tih mi, dân zawng zawng zâwma chhandamna neih tum a ni. Sanhedrin (Juda rorel pâwl)-a mi a ni.

Tui chuan tih thianghlimna a entîr a. Baptisma chuan kan mihring hlui thihna a entîr a, pâwn lam chhinchhiahna a ni. Chhûnglam ṭhatna pe tûr erawh chuan SIM a ṭûl. Kan mihring hlui hi a thih loh chuan mihring thar a pian theih loh. Thlarauva piangte chu an nun danglam dân a hmuh theih. Nikodema, Pathian ṭih mi chuan thinlung thar, chhûng lam thlâk danglam a mamawh. A ni pianthar a ṭûl chuan keini pawh a ṭûl ngei ang.

“I piangthar tûr a ni,”
Thlarauva piang lote,
Pathian ram chang lo an ni si,
Vânduai tâwp an ni e.

I piangthar lo a nih chuan a tlai hmain Isua pan rawh le.