THLEI BÎK NEIH LOH

JAKOBA 2:1-4
Ka unaute u, kan Lalpa Isua Krista, Ropuina Lalpa chu ring chungin, mi thlei bîk nei suh u. In inkhâwmna inah mi, rangkachak zungbun bun, puan mawi tak sin lo lût sela, mi rethei puan chhe tak sin lo lût bawk sela; tin, puan mawi tak sin chu in ngaihsaka, a hnênah chuan, “Nang he hmun ṭhaah hian ṭhu rawh,” in tiha, mi rethei hnênah chuan, “Nang chu sawtah sâwn ding la, a nih loh leh ka ke nghahchhan hrûlah hian ṭhu rawh,” in tih chuan, in rilruah thlei bîk neiin ngaihtuahna sual pua sawisêltute in lo ni dâwn lâwm ni?

Thlei bîk neih mai hi a awl avâng leh kan tih atân Pathianin a duh loh avângin Bible hmangin min hrilh a. Kan ramin hma a sâwn mêk lâi hian thlei bîk neihna lamah kan lût thûk tawlh tawlh niin a lang. Pathianin a huat êm êm chu rethei zâwkte rap beta hausa zâwkte hamṭhatna tûr zawnga thiltih chîn hi a ni a. Hetiang hian hmun a chang zau telh telh niin a lang. Kan Pathian hi mi thlei bîk nei lo Pathian a ni tih tih i hre reng ang u.