MESSIA A NI THEI EM?

JOHANA 7:29,31
Kei erawh chuan ani chu ka hria; a hnên aṭanga lo chhuak ka ni a, ani chuan mi tîr a ni si a,” a ti a. Mipui zînga tam tak erawh chuan ani chu an ring a, “Krista chu a lo thlen hunah, he mi tih aia tam zâwk thil mak a rawn ti ang em ni?” an ti a.

Juda-ten Messia chu Thlarau lama Chhandamtu tûr leh anmahni awptu rawn hneh tûrin an beisei a. Bâwkte Kût lai a ni a, Jerusalem khuaa mi ṭhenkhatin tihhlum an tuma kha a niin an hre deuh bawk si. ‘Krista chu a pianna chin tu mân an hre lo vang,’ tih a ni si a, ‘hemi lah hi a pianna chin kan hre bawk si,’ tiin an inngaihtuah buai nasa mai a (Lk 7:18-23).

Kan vêla miten Isua hi a rin tlâk em tih an inzâwt a, kan awm dân, nungchang, ṭawngka leh thiltihin Messia tak a nih hi kan puang ṭheuh dâwn lâwm ni.

Dâk chhuak la, lote en rawh,
Seng khâwmtu an tlêm si;
Thu a sawi mai a tâwk zo tawh lo ve,
I nunah ngei Isua Lalber se.

Isua hi i nunah a lalber em?