HABAKUKA LEH LÂWM ZÊL NUN

HABAKUKA 3:17-18
Theipui thing pâr vul dâwn lovin, Grêp hrui rah dâwn hek suh sêng; Olive thing pawh rah lovin, Lovin ei tûr chhuah dâwn lo sêng; Huang ata ran rual tibovin, Ran inah ran awm lo mah sêng; Ka lâwm zêl ang, Lalpa-ah chuan, Ka chhandamna Pathianah chuan ka lâwm cheu dâwn.

Vanneihna a kal tluan viau lai hi chuan Pathiana lâwm maite pawh hi a awl khawp a, kan duh leh beisei anga thil a awm loh hian Pathian laka vui mai hi a awl hle bawk ṭhin.

Habakuka te hun lai khan theipui rah te, grêp rah te, olive te leh ran vulh te kha mi tam tak ei zawnna a ni a. Khâng eizawnna chi hrang hrangah khân hlawhchhamna pawh thleng mah sela, Pathian hnêna a lâwm zêl zâwk tûr Zawlnei Habakuka hian a au chhuahpui a ni. A chanchin aṭang hian Kristian chhungkaw tam takin zir tûr kan ngah hlê âwm e.

Hlawhchhamnaah pawh Lalpaa lâwm zêl nun neih dân i zir ve ang u.