CHANCHIN ṬHA HRIL R’U

MATTHAIA 28:19-20
Chutichuan, kal ula, hnam tina mi zirtîrahte siam ula, Pa leh Fapa leh Thlarau Thianghlim hmingah chuan baptis ula, thu ka pêk zawng zawng che u pawm tûrin zirtîr rawh u.

Zirtîrten inrintâwkna an neih nân Isuan thuneihna zawng zawng Pathianin a pêk thu a sawi. Chumi hnu chuan kal a, hnam tina mi zirtîrahte siam tûr leh, Pa leh Fapa leh Thlarau Thianghlim hminga baptist tûr leh thu a pêk zawng zawng zirtîr tûrin a hrilh a, khawvêl tâwp thlenga an hnêna awm zêl a tiam.

Isuan kan chhûngkua, ṭhenawm khawveng, ramchhûng leh pâwn thlenga Chanchin Ṭha hril tûrin min ti a. Chanchin Ṭha kan hrilh a phal ve hi a va lawmawm êm!

Dâk ula, lote en r’u,
Seng tûrin an hmin zo ta e;
In favah kengin tûnah,
LALPA tân thawk chhuak nghâl r’u.

Chanchin Ṭha hi a thlâwna pe chhuak tûr kan ni.