ISUA HMUH AN TUM

JOHANA 12:20-21
Tin, kûtnaa Pathian chibai bûk tûra han kalte zîngah Grik tute emaw an awm a; tin, chûngte chu Galili rama Bethsaida khuaa mi Philipa hnênah chuan an lo kal a, a hnênah, “Ka pu, Isua hmuh kan duh e,” an ti a, an ngên a.

Kalhlen Kût hmang tûr zînga Grik mite chuan Phillipa, Isua zirtîr zînga pakhat hnênah Isua hmuh an duh thu an hrilh a. Andria a hrilh chhâwn hnuah Isuan amah hmuh an duh tih a hriatin châwimawia a awm hun a thleng tawh tih a hria a ni (Jn 17:1).

Lal Isua thih hnuah Thlarau Thianghlim chu zirtîrte hnênah pêk an ni ang a (Jn 14:16-17), Chanchin Ṭha chu an hril darh ang. Kan mihring mihrinna, keimaha keimah kha a thihna zêlah rah chhuah theiin kan awm dâwn a lo ni. Zakaian Isua hmuh a duh ang hian kan rin loh takte pawhin keimahni kal tlangin Isua hmuh an lo duh reng thei.

An chhinchhiah bîk che, i chêtzia an thlîr;
I sawi apiang an ngaithla,
Chhandamtu chu nangmahah ên chhuahtîr la,
A thu thuin ni tinin awm rawh.

I nungchang leh ṭawngkamin mite Isua i kawhhmuh dâwn em?