PA HNÊNA THLENNA

JOHANA 14:5-6
Thoman a hnênah, “Lalpa, i kalna tûr chin kan hre lo asin; a kawng engtin nge kan hriat ang?” a ti a. Isuan a hnênah, “Keimah hi kawng leh thutak leh nunna ka ni; keimaha kal lo chu tu mah Pa hnênah an thleng ngai lo”.

Isua a zirtîrte nên zanriah hnuhnung an kîl zawh hnuin a kal bo tûr a hrilh lâwk a (Jn 13:33). A kalna tûr kawng chin an hriatthu a sawi chuan Thoman a kalna tûr an hriat loh thu huaisen takin a sawi chhuak a. Ṭhenkhat chuan hre si lo hria anga awm kan chîng ṭhin. Huaisen taka hriat loh ngam a ṭha. Isuan zirtîrte vânram kawng a kawhhmuh satliah mai lo, amah kal tlanga thlen theih a nih thu a sawi.

Isua Krista avângin fela puan kan ni a, Isua hi kan vânram ticket a ni. Amah kal tlang chauhvin Pa hnên kan thleng thei.

Aw ka thlarau, tho la,
I sualna kalsan rawh;
Tlanna thisen hlû chu,
Ka tân a lo luang ta;
Ka aiawh Lal hmaah a ding,
Ka hming a kutah a chuang e.

A inhlanna avângin sual ngaihdamna kan chang.