DAVIDA CHHÛNGKUA

1 LALTE 1:6
A pa lah chuan eng lai mahin, “Engati nge hetiangin i tih?” tiin a tilungni lo ngai si lo va; tin, amah chu hmêlṭha tak a ni bawk a. Absaloma chhang a ni.

Davida chu Pathianin, ‘Ka thinlung ang pu mi,’ a tih a ni, mahse chhûngkaw enkawl thu-ah chuan a hlawhtling lo. Nupui pakhat neih tûr (Gen. 2:24) ni mah se Davidan nupui pariat leh hmei a nei.

Huaisen taka Goliatha hnehtu hian fate enkawl a ngaihthah a, a man ṭha lo tak a têl. A fapa Amnona’n Absaloma farnu Tamari a pâwngsual a, Davida’n ṭha a tih loh thu ṭawngkam khat mah a chhâk chhuak lova, Tamari pawh a thlamuan hek lo. Davida’n a chhûngkua a siam ṭha thei tawh lo. Nang leh kei hian chhûngkaw siam ṭhat hna kan thawk thei.

Nunna hrui thlung r’u, nunna hrui thlung r’u,
Tui fâwnin a lên bo mêk;
Nunna hrui thlung r’u, nunna hrui thlung r’u,
Tui fâwnah an pil mêk e.

Beidawng lovin tu leh fate tân i ṭawngṭai ang u.