NGAIHDAM LOH TÛR

MATTHAIA 12:32
Tin, tu pawh Mihring Fapa sawisêl apiang chu, an sawisêlna chu ngaihdamsak a ni ang a; tu pawh Thlarau Thianghlim meuh sawisêl apiang erawh chu, an sawisêlna chu tûn dam chhûngah pawh, hun lo la thleng tûrah pawh ngaihdamsak a ni lo vang.

Lal Isua khêngbettute ngei pawh ngaihdam theih an nih laia Thlarau Thianghlim sawichhiatna ngaihdamsak a nih loh tûr thu Lal Isuan min zirtîr hi a mak tih mai a awl hle a. Hei hian Lal Isuan Thlarau Thianghlim a ngaih pawimawhzia a tichiang hle mai!

‘Thlarau Thianghlim sawichhia’ kan tih hian Thlarau Thianghlim tak sawichhiatna aiin a hnathawh dodâlna lam a kâwk mai thei. Miin Thlarau Thianghlim hriattirna dawnga thu a sawi awih duh loh te leh Thlarau thilpêk chi hrang hrang a dawn a hman chhuah pawmpui duh loh tlatna lamte pawh a kâwk theiin a rinawm. Thlarau thilpêk kan dawn dân hi a inang vek lo va, teh kherin Thlarau pêk kan ni hek lo (Jn 3:34). Kan dawn loh miin an dawn Thlarau thilpêk kan sawisêlsak hian ngaihdamsak theih loh sual kan ti a ni thei tih i hre thar leh ang u.