MIN HMANGAIH EM?

JOHANA 21:17
Tin, a vawi thumnaah chuan a hnênah, “Simon, Johana fapa, nangin kei mi ngaina em?” a ti a. Tin, a vawi thumnaah, “Nangin mi ngaina em?” a hnêna a tih avâng chuan Petera chu a lungngai a, a hnênah, “Lalpa, engkim i hria a, ka ngaina che tih i hria e,” a ti a. Isuan a hnênah, “Ka berâmte châwm rawh.”

Petera, mi hrohrang na tak, zirtîrte zînga thusa pâwl leh Isua tâna thih huam nia insawi chu tukțhuan an ei zawhin Isuan, “Hengte ai hian kei mi hmangaih zâwk em?” tih a zawt a. Ka ngaina che – tiin a chhâng thei chauh a ni. A vawi thumna atân ‘Nangin mi ngaina em?’ Isuan a tih avâng chuan Petera chu a lungngai a, Lalpa a ngainat thu a hrilh thei hrâm. Heng zawhna te hi min zâwt ve ta se engtin nge kan chhân ve ang?

Aw, nangin kei min hmangaih em?
I malsâwmnate chhiar chhuak la,
I hmuh leh thil hriat zawng ai hian;
Aw, nangin kei min hmangaih em?

Isuan, ‘Nangin kei mi hmangaih em?’ tiin a zâwt che.