FATE DUHSAK DÂN DIK

THUFINGTE 4:7
Finna hi thupui ber a ni a; Chuvângin, finna hi nei rawh; A ni, i thil neih zawng zawng chân pawhin finna hi nei rawh.

3 JOHANA 1:4
Ka fate thutakah an awm tih ka hriat aliama lâwmna nasa zâwk rêng ka nei lo ve.

Nu leh pa tam berin kan fate kan duhsakna chu zirna lamah a ni a. Lehkha an thiamna tûr a nih chuan pûk chawp pawh kan huam. A sual a ni hauh lo, rual awhna ṭha a ni. Amaherawhchu, zirna ai pawha kan duhsakna tûr chu thutaka an awm hi a ni.

Kan fate thil danga kan duhsak luattuk leh rual kan awhpui luatna hian Pathian be hman lo khawpin min ti ṭul a. Pathian hriatna lama an rilru kan tihvâr loh avângin thlansaphûlkaia kan thawh chhuahsa pawh sual rawngbâwl nân an tlakral mai mai niin a lang.

Kan Bible-in a sawi ang hian thil dang zawng zawng chân pawhin finna leh thutak hi i duhsak ber ang u.