PATHIAN THU: NUN KHÂWNVÂR

— Chhantea (Oriela Patea)
E. Lungdar

SAM 119:105
I thu hi ka ke atânte hian khâwnvâr a ni a, ka kawng atân êng a ni.

Ringtute tân chuan Pathian thu (Dân) zawm hi kan nun atân chaw ṭha a ni a. Pathian thu pawisa mi chuan a nunah nun dik a lan chhuahpui a, a pawisa lo mi erawh chu a nun rahbi a fuh thei ṭhin lo a ni.

Pathian thu pawisa mi tân chuan Pathian thu hi khâwnvâr a ni a, a ke pên tin a vêng a, kalsualna leh kalpênna lakah chhanhimin an awm ṭhin a ni. Pathian thu chu an kawng atân êng a ni a. Êngah chuan rah tûr leh tûr lo te thliar hrangin thlamuang takin an awm ṭhin.

Mihringte hian mahni ngaihdân leh ke pênna atân ngaih dân khâwnvâr hran neia kan ngaihtuahna ringawt kan lo rin hian kan ke pên hi a lo buai ṭhin a, kan kawng êntu tûr kan neih loh vângin kan pên a buai a, a tâwpah kan inpal-tlu leh nge nge ṭhin anih hi.

Pathian thu hi kan nun khâwnvâr a kan hman tlat erawh chuan dai pelh emaw intih rum rum châng nei mah ila a hunah hian min lo kai chhuak leh nge nge ṭhin zâwk a lo ni.

Pathianin a thu malsâwm rawh se.