EUTUKA A MUTHLU

TIRHKOHTE 20:9
A hming – Eutuka, tlangvâl pakhat tukverhah chuan a ṭhu a, a lo muthlu a lo muthlu a. Tin, Paulan thu a sawi rei tâk avângin ani chuan a mutchhuak a tuar ta lo va, in chhâwng thumna aṭang chuan a tla ta a, thiin an chhar a.

Paula te chu Troas-ah ni sarih lai an châm a, an châm tâwp ni chuan Lalpa zanriah an kîl a. Helaia an inkhâwm hi Bible-a Pathianni an hman chhinchhiahna hmasa ber a ni. Paula chu a tûka kal mai tûr a nih avângin zanlai thlengin thu a sawi a. Eutuka chu tukverh bulah chuan a ṭhu a, a muthlu chu inchhâwng thumna aṭang chuan a tla ta a, thiin an chhar a. Paulan a ṭawngṭaisak avângin a lo dam leh ta hlauh a ni.

Jona chu ring lo zâwk an ṭawngṭai laiin a lo muhil a, nula â te an mutthlûk avângin khâwnvâr tui an nei lo va, mo lawmnaah pawh an tel thei ta lo. A hun lova kan mutthlûk (inthlahdah) ṭhin avângin harsatna kan tâwk fo ṭhin. Muthlu (inthlahdah) lo tûrin i fimkhur ang u.

Hruai kîr leh ang che kal bo tate,
Muthlute chu kai tho leh ang che;
Khawvêl hruaitu, Arsi ropui ber,
Bona ram leh lungngaihna ram chhun êng rawh.

Inthing harhin ṭhahnemngai takin i ṭawngṭai ang u.