THUTLÛKNA SIAM FIMKHUR

THUFINGTE 14:12
Mi ngaiha kawng dik ni âwm taka lang, A tâwp chu thihna kawng ni si a awm.

Solomona’n a lal tirhin thutlûkna ṭha a siam a, Lalpan finna a pe. A hun tâwp lamah thutlûkna ṭha lo a siam avângin a nunin a tuar a, Israel ram a inṭhen phah hial a ni. Lal Saula, Rehoboama, Jeroboama, Ahaba ten thutlûkna ṭha lo an siam a, anmahni leh ram pum puiin an tuar. Lal Davida, Jehosaphata, Joasa-te angin thutlûkna ṭha kan siam a pawimawh.

Engtin nge thutlûkna ṭha kan siam ang?
i) Thil nihna tak ngunthlûk leh chiang taka ngaihtuah
ii) Kawng hrang hrang ngaihtuah
iii) A ṭhatna leh ṭhatlohna bûk tawn.

He zawhna hi i inzâwt fo ṭhin ang u. ‘Isuan engtin nge a tih ang?’ tih hi. Lalpa aw i ngaithla ang u.

Ka duhthlanna hi ka pe,
I taah chantîr ang che;
Thinlung i hnênah ka hlân,
I chênna atân nei la.

Mi dangten kan thutlûkna azirin ringtu tak kan nih leh nih loh an hre thei.