HUN BI KIMAH ISUA

GALATIA 4:4
Nimahsela, a hun bi a lo kim khân fa nihna kan hmuh theih nân, Dân hnuaia awmte chu tlan tûrin Pathianin a Fapa, hmeichhe hrin, Dân hnuaia lo piangin a tîr chhuak ta a.

Tirhkoh Paulan ‘hun bi kim‘ a tihna chhan tawitê têin kawng thumin lo sawi ila –

l. Isua pian lai vêl khan Rom ram awp chhûngah Grik ṭawng thiam an tam ber a. A ṭawng hi a hausa a, Thuthlung Thar pawh Grik ṭawnga ziak hmasak ber a ni.

2. Rom sawrkar chak takin ram zau tak a awp a. A ram chhûngah inkalpawhna a ṭha a, remna leh muanna a awm bawk a. Chu chu Chanchin Ṭha hrilh zung zung nân a pawimawh êm êm a ni.

3. Khawvêl hmun hrang hrangah Juda an darh a. An thlen chin apiangah Biak In an nei zel a. Zirtirten Chanchin Ṭha an feh chhuahpuiin an Juda puite hnênah an thleng hmasa zêl bawk a, chu chu Chanchin Ṭha puan darh ṭanna atân hmanraw ṭha tak a lo ni leh zêl a – heng zawng zawngte hi hriain Paula’n hun bi kimah Isua hi a lo piang a ni, tiin a sawi a ni.